Ѓорѓиевски и Мицкоски се запознаа со текот на изградбата на градинката во Расадник

Иако е недела, градоначалникот на Кисела Вода и кандидат за градоначалник на Скопје, Орце Ѓорѓиевски, заедно со премиерот Христјан Мицкоски извршија увид во започнатите градежни работи во Расадник.

Градинката се простира на површина од 800 метри квадратни и ќе згрижи 120 деца, со вкупно шест занимални, од кои две се наменети за јасли. Со овој проект, листата на чекање за упис која претходно изнесувала над 400 деца, се сведува на нула, овозможувајќи примање на деца и од други општини.

Ѓорѓиевски истакна дека работата со љубов и посветеност кон народот дава поголемо значење на секој проект и создава темел за иднината на младите генерации. Тој додаде дека Скопје треба повторно да заживее и да ја врати гордоста и достоинството што го заслужува.

„Чекор по чекор, со визија, одлучност и силна верба во подобро утре“, порача Ѓорѓиевски.