Жичница Водно останува затворена откако контролата извршена од компанијата Doppelmayr покажала дека системот се наоѓа во многу лоша состојба и има сериозни недостатоци кои мора да бидат санирани.
Од Град Скопје и ЈСП Скопје очекуваат понуда за сервисирање и дефектажа на жичницата, по што ќе биде познато колку ќе чинат поправките и колку време ќе биде потребно за повторно ставање во функција.
Градоначалникот Орце Ѓорѓиевски изјави дека безбедноста на граѓаните е приоритет и дека жичницата нема да биде пуштена во употреба додека целосно не се отстранат сите недостатоци.
Тој посочи дека инспекцијата на компанијата која ја изградила жичницата за првпат била извршена по нејзиното поставување и дека биле утврдени бројни проблеми кои бараат сериозен сервис.
Според Ѓорѓиевски, во тек е подготовка на финансиска пресметка и план за активности, по што јавноста ќе биде информирана за роковите и цената на реконструкцијата.
Жичницата ќе остане затворена сè додека не се обезбедат услови за безбедно користење од страна на граѓаните.
Градоначалникот се осврна и на проектот за жичница до Детската клиника, посочувајќи дека се водат разговори со Министерството за транспорт и Владата за обезбедување средства за втората фаза од изградбата, на потегот од Козле до Средно Водно.
МОЖЕБИ ЌЕ ВЕ ИНТЕРЕСИРА:
