Дејан Митески спречил обид за нелегално истурање градежен шут на дива депонија во населбата Ново Лисиче.
Градоначалникот објави видео на социјалните мрежи на кое се гледа како бара интервенција од инспекциските служби и полицијата, додека возач на камион се обидува да истовари градежен отпад на недозволена локација.
Во еден момент, возачот му дава телефон на Митески за разговор со сопственикот на фирмата, а потоа го напушта местото со камионот.
Од Општина Аеродром информираат дека случајот е пријавен во МВР и дека за настанот е составен службен записник.
На терен веднаш излегол инспектор за животна средина од општината, а за понеделник е најавена постапка против фирмата, при што ќе ѝ биде врачено решение и казна поради загрозување на животната средина.
Според општината, предвидените казни за ваков вид прекршок се движат од 9.000 до над 80.000 евра, во зависност од големината и видот на правниот субјект.
МОЖЕБИ ЌЕ ВЕ ИНТЕРЕСИРА:
