Грција ќе ги укине сите мерки до септември, со што сите невакцинирани ќе можат да влезат во земјава без негативен брз тест. Тестот повторно ќе биде воведен во септември, пишува грчкиот портал Enimerotiko.
Од Делфи, каде што се одржува 7. Економски форум, министерот за здравство Танос Плеврис најавил дека укинувањето на мерките ќе важи од мај до крајот на летото.
Тоа практично значи дека на невакцинираните нема да им требаат тестови за да седат на отворени простори во барови, кафулиња, ресторани и ноќни клубови, а оваа мерка ќе трае во текот на летото.
Според министерот за здравство, нивното враќање во суштина ќе трае четири месеци и додал дека „не ја игнорираме пандемијата, туку влегуваме во нова регуларност со укинувањето на рестрикциите, но сепак ќе бидеме подготвени за есен и за вакцинација“.
Информациите велат дека Комисијата расправала летото да се помине без ограничувања и само со самотестирање, без обврска за молекуларен или брз тест. Во секој случај, процесот ќе се одвива чекор по чекор.
Се чини дека овој Велигден ќе помине со мерките што важат денеска, бидејќи пресвртница за одлуката е 2 мај.
Поради тоа, на Страсната, но и наредната недела, ќе биде неопходно целосно вакцинираните со три дози да покажат потврда за вакцинација, за да можат да влезат во затворените простории на локалот, но и во малопродажба, додека оние кои се уште се сметаат невакцинираните се исклучени од внатрешниот простор и им треба негативен брз тест.