Висок функционер на Хамас изјави за Reuters дека шефот на военото крило на организацијата, Из ал-Дин ал-Хадад, е убиен, само еден ден откако Израел соопшти дека извршил воздушни напади насочени кон него.
Началникот на Генералштабот на израелските одбранбени сили, Ејал Замир, официјално ја потврди смртта на Ел-Хадад и нареди Јужната команда да остане во состојба на висока готовност поради можноста за одмазднички напади од страна на палестинската организација.
Претходно, џамиите во северниот дел на Појасот Газа преку разглас ја објавиле смртта на командантот на бригадите Ал-Касам, вооруженото крило на Хамас.
Според сведоци од Газа, во повеќе џамии било објавено „мачеништвото“ на Ел-Хадад, кој важеше за една од клучните фигури во организацијата.
Тој го презеде водството на Хамас по смртта на Мухамед Синвар во 2025 година и се сметаше за еден од главните воени стратези на движењето.
Во меѓувреме, голем дел од Појасот Газа и понатаму останува разурнат и во тешка хуманитарна состојба, додека израелските сили продолжуваат со воени операции и покрај мировниот договор постигнат во октомври.
Населението во многу делови од Газа и натаму се соочува со раселување, недостиг на основни услови за живот и постојана неизвесност околу безбедносната состојба.
МОЖЕБИ ЌЕ ВЕ ИНТЕРЕСИРА:
