Интер е нов шампион на Италија, откако со победа од 2:0 над Парма ја обезбеди 21-та титула во клупската историја. „Нераѕурите“ ја искористија и ремито на Наполи против Комо и на три кола пред крајот математички го потврдија Скудетото.
Историски успех запиша тренерот Кристијан Киву, кој до титулата стигна во својата дебитантска сезона на клупата на Интер. Натпреварот во Стадион Џузепе Меаца мина во целосна доминација на домашните, а головите ги постигнаа Маркус Тјурам и Хенрик Мкитарјан, по асистенција на капитенот Лаутаро Мартинез.
По последниот свиреж, пред повеќе од 75.000 навивачи во Милано започна големо славје, со огномет и еуфорија на трибините и теренот.
МОЖЕБИ ЌЕ ВЕ ИНТЕРЕСИРА:
