Еден пар од Италија се венчал во несекојдневни околности, а приказната која почнала како „последна желба на младоженецот“ се претворила во приказна со најубав крај.
47-годишниот Маурицио од Торино бил хоспитализиран во јуни откако доживеал срцев удар. И покрај напорите на лекарите, неговата клиничка слика за жал не ветувала многу. Неговата состојба се влошувала, предизвикувајќи низа други компликации кои го довеле до состојба во која му била потребна трансплантација на срце.
Маурицио кој бил ставен на листа за итна трансплантација, го одржувале во живот преку машини кои му помагале крвта да циркулира низ неговото тело.
Прифаќајќи веќе дека умира, Италијанецот имал само една желба – да се ожени со Силвија, неговата девојка и мајка на нивната двомесечна ќерка. Тоа и се исполнило.
Венчавката која почнала како „последната желба на Маурицио“, се одржала на одделот за кардиохирургија каде бил сместен. Силвија наместо цвеќе држела „букет“ направен од епрувети за вадење крв, а просторијата била украсена и со неколку балони, како и фотографија од нивната ќерка.
Иако мислеле дека ова е еден од неколкуте последни моменти кои парот ќе ги помине заедно, само 12 часа по венчавката се случило чудо – Центарот за трансплантација пронашол соодветно срце за Маурицио.
Тоа преку посебен лет пристигнало во Торино, а потоа тим експерти извршил 7-часовна операција која успешно поминала.
Прекрасни вести со двојно среќен крај“, вели Џовани ла Вале, генерален директор на здравство на градот Торино, честитајќи му на тимот за успешната трансплантација.
„Но, уште поголеми честитки за овој човек и парот кој е повторно роден. Нека ова за семејството биде почеток на нов среќен заеднички живот“, заклучил тој.
Маурицио сега е добро и ужива со своето семејство, а неговата приказна е доказ дека чудата навистина се можни.
МОЖЕБИ ЌЕ ВЕ ИНТЕРЕСИРА:
