Јапонија повторно ќе увезува сурова нафта од Русија, што е прв ваков потег по затворањето на Ормутскиот теснец по февруарските напади врз Иран.
Нафтата доаѓа од проектот Сахалин-2 на рускиот Далечен Исток, а пратката ја обезбедила јапонската компанија Taisei Oil. Танкерот веќе испловил кон крајот на април и се очекува да пристигне во префектурата Ехиме во западна Јапонија.
Овој чекор се случува во време кога Јапонија, која во голема мера зависи од енергенси од Блискиот Исток, се обидува да ги диверзифицира изворите на снабдување поради нестабилноста на глобалниот пазар.
Проектот „Сахалин-2“ го води Газпром, со учество на јапонските компании Mitsubishi Corporation и Mitsui & Co..
Според јапонските власти, оваа испорака не е опфатена со санкциите воведени од САД и европските земји кон Русија по почетокот на војната во Украина во 2022 година.
МОЖЕБИ ЌЕ ВЕ ИНТЕРЕСИРА:
