Покрај здравата исхрана и физичката активност, научниците сѐ повеќе го истакнуваат и сонот како клучен фактор за долг и квалитетен живот. Ново истражување спроведено од London School of Economics во соработка со Vitality покажува дека редовниот сон може значително да го намали ризикот од предвремена смрт.
Според студијата, спиење околу седум часа секоја ноќ, во приближно исто време, може да го намали ризикот од смртност за речиси 25 проценти и да го продолжи животот до четири години. Истражувачите ова го нарекуваат правило „7-1“ – седум часа сон и легнување во ист временски интервал.
Она што се издвојува како особено важно е доследноста. Податоците покажуваат дека редовното легнување во ист временски период може да го намали ризикот од смртност за околу 31 отсто и ризикот од хоспитализација за 9 отсто. Ова се должи на подоброто усогласување на внатрешниот биолошки часовник, односно циркадијалниот ритам.
Експертите предупредуваат дека сонот не е луксуз, туку основна потреба. Нигат Ариф посочува дека дури девет од десет лица не спијат доволно, а проблемот е особено изразен кај жените во средна возраст. Таа препорачува намалување на користењето екрани пред спиење и воспоставување редовна рутина, бидејќи квалитетниот сон е клучен за здравјето на мозокот, срцето и целокупната ментална состојба.
МОЖЕБИ ЌЕ ВЕ ИНТЕРЕСИРА:
