Женската сениорска кошаркарска репрезентација на Македонија ги заврши квалификациите за пласман на Евробаскет 2027 со пораз на домашен терен од Хрватска со 53-91.
На натпреварот одигран во салата „Градски парк“, македонската селекција настапи ослабена без Мерит Хемпе, која поради повреда на задната ложа не беше во составот. Отсуството на најдобриот стрелец се одрази на играта, па тимот настапи во рамките на своите реални можности.
Во нејзино отсуство, најефикасна кај Македонија беше Николиќ со 16 поени, додека Селцова додаде 13 поени.
Македонската репрезентација квалификацискиот циклус го заврши со учинок од една победа и пет порази.
МОЖЕБИ ЌЕ ВЕ ИНТЕРЕСИРА:
