Судскиот совет ја избра Даниела Димовска за нова претседателка на Основниот кривичен суд Скопје.
На денешната седница за нејзиниот избор гласале 11 членови на Судскиот совет, по што претседателот на Советот, Александар Камбовски, ја констатираше одлуката.
„Констатирам дека Советот донесе одлука со која Даниела Димовска се избира за претседател на Основен кривичен суд – Скопје“, изјави Камбовски.
Димовска досега ја извршуваше функцијата вршител на должноста претседател на Основниот кривичен суд Скопје, а со денешната одлука официјално ќе ја преземе челната позиција во судот.
Нејзин противкандидат за функцијата беше судијата Ивица Стефановски, кој во јавноста е познат и по водењето на предметите против Стојанче Јовановски и Љупчо Палевски – Палчо.
МОЖЕБИ ЌЕ ВЕ ИНТЕРЕСИРА:
