Стотици жители на Хавана излегоа на улиците во знак на протест против долгите прекини на електрична енергија и продлабочената енергетска криза во Куба.
Според медиумските извештаи, во одредени делови од главниот град граѓаните остануваат без струја и до 22 часа дневно, што предизвика револт и незадоволство кај населението.
На снимки објавени на социјалните мрежи се гледаат демонстранти како палат барикади, удираат во тенџериња и извикуваат пароли со кои бараат стабилно снабдување со електрична енергија.
Кубанските власти ја обвинуваат американската блокада на испораките на гориво за сериозната состојба во енергетскиот систем.
Националниот оператор за електроенергетика соопшти дека повторно дошло до прекин на мрежата меѓу централниот и источниот дел на земјата, што дополнително ја влошило кризата.
Министерот за енергетика Висенте де ла О призна дека државата речиси целосно останала без дизел и мазут.
„Апсолутно немаме гориво и немаме резерви“, изјави министерот за државните медиуми.
Според податоците на кубанската влада, на островот му се потребни најмалку осум големи испораки на нафта месечно за да се задоволат основните енергетски потреби.
Од почетокот на годинава, во Куба пристигнал само еден руски танкер со околу 100.000 тони нафта, што е далеку под потребното количество за нормално функционирање на системот.
Protests are taking place right now in Habana, the people want https://t.co/iwaLwTqjy6 Cuba🗽🇨🇺 pic.twitter.com/MXyofIYbcy
— I❤️FL (@RoseGold120918) May 14, 2026
МОЖЕБИ ЌЕ ВЕ ИНТЕРЕСИРА:
