Една европска земја воведе необична мерка за намалување на сообраќајниот метеж – им нуди до 25.000 евра на граѓаните кои ќе се откажат од возачката дозвола во период од пет години.
Станува збор за Малта, каде властите се обидуваат да го намалат бројот на возила и да поттикнат користење на јавен превоз. Според програмата, учесниците добиваат по 5.000 евра годишно, со услов да не управуваат моторно возило во наредните пет години.
За да аплицираат, кандидатите треба да имаат до 30 години, да живеат во Малта најмалку седум години и да поседуваат возачка дозвола од Б категорија најмалку една година. Исклучени од мерката се лицата на кои возачката им е потребна за работа или им е одземена поради прекршок.
Доколку некој од учесниците го прекрши договорот и вози за време на програмата, се соочува со казна од 5.000 евра, а мора да го врати и преостанатиот дел од добиените средства.
Оваа иницијатива е дел од поширока стратегија за справување со сериозните сообраќајни гужви во земјата, која има едно од највисоките нивоа на моторизација во Европа.
МОЖЕБИ ЌЕ ВЕ ИНТЕРЕСИРА:
