Полициски службеници од Полициската станица за граничен премин на Меѓународниот аеродром Скопје денеска во 11:30 часот го лишиле од слобода 26-годишниот Р.З. од Тетово, осомничен за разбојништво.
Според информациите од полицијата, тој се сомничи дека во текот на ноќта извршил разбојништво во спортска обложувалница во Тетово. Случајот бил пријавен во 02:00 часот во СВР Тетово од 38-годишен вработен во објектот, кој навел дека непознато лице со закана со остар предмет одзело пари од дневниот промет.
По преземените оперативни мерки и активности, осомничениот бил пронајден и приведен на скопскиот аеродром.
Од Министерството за внатрешни работи информираат дека по целосно расчистување и документирање на случајот против него ќе биде поднесена соодветна кривична пријава.
МОЖЕБИ ЌЕ ВЕ ИНТЕРЕСИРА:
