Негираше дека тајно се сретнал со премиерот и порача дека стои на располагање за тет а тет разговор со Ковачевски. Неговиот личен став е дека ВМРО ДПМНЕ треба да учествува во пржинската влада, но не треба да гласа за Талат Џафери како технички премиер.
– Не сум имал тајна средба. Тајните средби не се дел од мојот карактер. Доколку сака господинот Ковачевски да разговараме за техничката Влада или за некои други политички процеси што следат, стојам на располагање, само терминот да го усогласиме. Не гледам зошто тоа би било далеку од лицето на јавноста. Ценам дека јавноста треба да биде запознаена. Мислам дека на народот му е преку глава од такви тајни средби, преговори и договарања. Еве, стојам на располагање, доколку се усогласат термините. – изјави Христијан Мицкоски ВМРО-ДПМНЕ,
Рокот за средба е 28 јануари, од кога, ќе почнат да се одбројуваат 100 дена техничка влада. Ковачевски веќе најави дека ќе иницира лидерска средба, но не сака јавност, бидејќи, како што кажа се работи за технички детали.
И додека се прават калкулации за предизборни коалиции, на новинарско прашање до премиерот дали СДСМ и ДУИ ќе одат посебно или заедно на изборите, тој одговори..
– Тие разговори се на две нивоа, едното е со коалициските партнери кои се во нашата коалиција традиционално и гледате дека дел од нив излегоа со соопштенија дека на изборите ќе настапат заедно со СДСМ. Истото се однесува и на разговори со другите коалициски партнери со кои сме во Владата, а со кои делиме заедничка вредност за европските интеграции, но треба да оставиме простор на времето, врз основа на емпириските анализи и врз основа на програмско и кадровско усогласување да дојдеме до заедничка одлука за конкретниот настап на изборите. – рече премиерот Ковачевски.
МОЖЕБИ ЌЕ ВЕ ИНТЕРЕСИРА:
