На „Партизанска“ утрово уапсен скопјанец со пакувања марихуана и кокаин

Утрово на Булеварот „Партизански одреди” бил уапсен 29-годишен скопјанец кај кого при преглед на возилото била пронајдена дрога.

Како што информираат од МВР, при извршен преглед на патничко возило со скопски регистарски ознаки биле пронајдени 10 паковки со марихуана и 10 паковки со кокаин.

По целосно документирање на случајот ќе биде поднесен соодветен поднесок, информираат од МВР.