Маргита Маги Стефановиќ била голема ѕвезда на Југославија, имала многу успешна кариера, но животот си поиграл со неа.
Животната приказна на големата ѕвезда завршена е со нејзината тажна смрт, починала како бездомничка.
Поминаа 20 години од смртта на популарната Маргита Маги Стефановиќ, член на рок-групата ЕКВ. Таа била симбол на убавина во Југославија, но нејзиниот живот добил трагични детали.
Интересно е тоа што ја добила титулата „црна принцеза“ на новиот бран музика, додека пак со текот на времето таа титула почнала да се претвора во реалност.
Од голема и успешна ѕвезда таа дошла до дом за бездомници, целосно заборавена и отфрлена од сите.
Уметничкиот талент го наследила од својот татко којшто бил театарски и ТВ режисер, Славољуб Стефановиќ-Раваси. Завршила музичко училиште каде се препознал нејзиниот голем талент и потенцијал.
Нејзиниот талент бил толку многу очигледен, па ѝ нуделе школување на престижниот конзерваториум во Москва. Нејзината мајка сметала дека Маги е премногу млада за такво нешто, па останала во Белград каде се запишала на Архитектонски факултет.
На почетокот на нејзината успешна кариера ја одбележала средбата со основачот на бендот Катарина II, Милан Младеновиќ во 1982. Нејзината појава и талент го воодушевиле Младеновиќ којшто веднаш ѝ понудил место во бендот.
Во 1984 година групата го издала својот прв албум по што тргнуваат на успешни турнеи. По промената на составот на бендот, поради тоа што заминал и носителот на името Катарина II, бендот го менува името во Екатерина Велика – ЕКВ.
Маги била една од најискусните членови во групата, а работела и многу други работи, како што се продуцентските и актерските работи. Нејзиното големо влијание на музиката на ЕКВ направило нејзиното име да стане синоним за истата.
Сепак, годините за успех поминале во сенка на борбата со тешките наркотици, како Маги така и останатите членови од бендот.
Нејзиниот мрачен период започнува по распаѓањето на групата кои сите со тага ја дочекале, па се чинело дека музиката ја држела во живот.
Без оглед на тоа што била ултра-успешна на професионален план, нејзиниот приватен живот станувал сè потажен. Се борела со зависност од дрога која ескалирала по смртта на нејзиниот татко. Таа се обидела на сите начини да се ослободи од порокот, но било очигледно дека нема назад.
Го продала семејниот стан, па на периферијата на Белград си купила два помали, остатокот од парите ги искористила за пат во далечната Индија. Имала голема желба во далечната земја да го смени својот живот, но сепак нејзината желба не се остварила.
Набрзо потоа се вратила во Белград и повлекла храбар потег којшто скапо ја чинел. Имено, Маги ги продала и двата стана, а потоа ги потрошила сите пари па останала на улица.
Последните години од животот ги поминала во напуштена гаража во предградието на Белград и центар за бездомници. Починала во 2002 година во клиниката за заразни болести во Белград на 43-годишна возраст.