Минатата недела, односно во периодот од 22 август до 28 август тестирани се вкупно 5.815 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 15,3 отсто во однос на претходната недела. Регистрирани сe 1.763 нови позитивни случаи од 34 градови во државата, со намалување од 34,3 отсто во однос на минатата седмица. Процентот на позитивност се движел од 17,8 отсто до 33,6 отсто, просечно 27,9 отсто, се наведува во неделниот извештај на Институтот за јавно здравје.
Регистрирани се заболени лица во сите возрасни групи. Најзастапена е возрасната група на лица на возраст над 60 години (n=758; 43 отсто). Најмал број е регистриран кај возрасната група од 10 до 19 години (n=49; 2,8 отсто). Во однос на претходната недела, се регистрира намалување кај сите возрасни групи (со најзабележително намалување од 43 отсто во возрасната група од 10 до19 години).
Во текот на минатата недела со статус „оздравени“ се стекнале 2.437 лица во хоспитални услови или на домашно лекување, 30,4 отсто помалку во споредба со минатата недела (n=3.500). Во текот на минатата недела пријавени се 407 реинфекции, со намалување од 37,1 отсто во однос на претходната недела (n=647).
Пријавени се 12 смртни случаи, со намалување од 40 отсто во споредба со претходните седум дена. Најголем број од починатите се од Скопје (8), а пријавени се и по еден смртен случај од Валандово, Кратово, Охрид и Прилеп. Во однос на возрасната група 11 починати се над 60 години и еден починат од возрасната група од 50 до 59 години. Девет од пријавените случаи се починати во болнички услови и кај 11 се регистрирани коморбидитети.
Заклучно со 28.08.2022, пријавени се вкупно 339.881 случаи на COVID-19. Најголем дел од заболените се регистрирани во Скопје, Куманово и Битола.
Според извештаите од болниците, во текот на минатата недела се хоспитализирани 28 случаи (нови приеми), а моментално се хоспитализирани 120 лица (за пет помалку во споредба со претходната недела.
Регистрирани се 9.477 смртни случаи. Најголем дел се на возраст над 60 години. Регистрирани се 5.624 (59,3 отсто) смртни случаи кај лица од машки и 3.853 (40,7 отсто) кај лица од женски пол. Кај 7.602 (80,2 отсто) се регистрирани коморбидитети, најчесто кардиоваскуларни, дијабетес и белодробни. Од реинфекциите, 26 завршиле со смртен исход. Регистрирани се девет смртни случаи кај бремени жени и 41 смртен случај кај здравствени работници. Од смртните случаи, 818 (8,6 отсто) починале во вонболнички, а 8.659 (91,4 отсто) во хоспитални услови, се наведува во неделниот извештај на Институтот за јавно здравје.
МОЖЕБИ ЌЕ ВЕ ИНТЕРЕСИРА:
