Една полицајка го загуби животот, а најмалку 15 лица се повредени во текот на ноќта во серија експлозии во украинскиот град Лавов. Градоначалникот го опиша инцидентот како терористички чин.
Според канцеларијата на регионалниот обвинител, полицијата била повикана по полноќ поради пријава за кражба во продавница во центарот на градот, јавува Укринформ. Кога пристигнала првата патрола, се случила експлозија, а втората следела во моментот кога на местото пристигнал дополнителен полициски тим.
Обвинителството соопшти дека загинатата полицајка имала 23 години.
Градоначалникот Андриј Садови во видео објава на социјалните мрежи изјави дека „очигледно станува збор за терористички чин“, додавајќи дека повредените примаат медицинска помош, а дел од нив се во тешка состојба.
Властите објавија фотографии од оштетена зграда со искршени прозорци, додека истрагата за околностите на нападот е во тек.
МОЖЕБИ ЌЕ ВЕ ИНТЕРЕСИРА:
