Очигледно продолжува преписката меѓу инволвираните страни по одлуката за казната на ФК Шкендија, која вклучува суспензија од настап во Купот на Македонија за следната сезона и изречена рекордна парична глоба од Дисциплинската комисија при Фудбалска федерација на Македонија.
По реакциите од клубот и од ФФМ, сега со соопштение се огласија и навивачите на Шкендија.
Популарните „Балисти“ упатија јавен повик до главниот спонзор на клубот, компанијата Еколог, како и до сопственикот Лазим Дестани, да не ја разгледуваат можноста за повлекување од клубот и да продолжат со поддршката.
Тие сметаат дека ваквите притисоци, како што наведуваат, имаат цел да го ослабат клубот и се дел од пошироки обиди што ги гледаат како насочени против ФК Шкендија.
Навивачите додаваат дека внимателно ја следат целата ситуација и дека се запознаени со случувањата околу клубот, нагласувајќи дека остануваат сконцентрирани на развојот на настаните.
МОЖЕБИ ЌЕ ВЕ ИНТЕРЕСИРА:
