Времето денеска ќе биде променливо облачно со повремени локални врнежи од дожд во претпладневните часови, додека на планините во северозападните делови врнежите ќе бидат од снег. Ќе дува слаб до умерен ветер од северозападен правец, поизразен долж Повардарието. Минималната температура ќе се движи од 3 до 7 степени, а максималната од 8 до 14 степени.
Во Скопје ќе преовладува променливо облачно време со повремени врнежи од дожд претпладне. Ќе дува слаб до умерен ветер од северозападен правец. Минималната температура ќе изнесува околу 5 степени, а максималната ќе достигне до 11 степени.
Во следните денови, под влијание на влажни воздушни бранови, ќе има променливо облачно време со повремени врнежи од дожд, локално пообилни, а на планините врнежи од снег. Во понеделник, поради продор на постуден воздух, врнежите од дожд на некои повисоки места ќе преминуваат во снег. Ќе дува слаб до умерен ветер, а во среда и четврток се очекува засилен ветер од југоисточен правец.
