Пешак смртно настрада во сообраќајна несреќа што се случи денеска околу пладне во близина на мостот „Гоце Делчев“ во центарот на Скопје. Според првичните сознанијата, во него удрило возилото „БМВ Х5“со кумановски регистарски таблички.
Деталите за несреќата и идентитетот на жртвата и возачот се уште не се познати. На социјалните мрежи се појавија фотографии на кои се гледа дека телото на прегазениот лежи на коловозот, а полицијата извршува увид. Не многу далеку од местото на несреќата е пешачкиот премин како и улицата која води кон дирекцијата на скопски „Водовод и канализација“.
Нова трагедија на скопските улици се случува само кусо време по тешката сообраќајка кај Сити мол во која загина една девојка, а едно лице е повредено на пешачки премин.
