Швајцарската полиција соопшти дека идентификувала уште 16 жртви од катастрофалниот пожар што избувна во барот Le Constellation во швајцарскиот скијачки центар Кран-Монтана, за време на прославата на Новата година.
Според информациите, меѓу новоидентификуваните жртви има 10 државјани на Швајцарија, две лица од Италија, едно лице со италијанско-емиратско потекло, како и по едно лице од Романија, Франција и Турција.
Претходно, кантоналната полиција информираше дека се идентификувани уште четири жртви – две Швајцарки на возраст од 24 и 22 години и двајца Швајцарци на возраст од 21 и 18 години. Како што соопшти Полиција на кантонот Вале, телата на жртвите се вратени на нивните семејства.
И покрај напорите на надлежните служби, идентификацијата на загинатите сè уште трае. Досега официјално се потврдени идентитетите на вкупно 24 лица, додека бројот на загинати во пожарот изнесува најмалку 40.
Во меѓувреме, двајцата менаџери на барот Le Constellation се под кривична истрага. Според швајцарската полиција, тие се осомничени за убиство од небрежност, нанесување тешки телесни повреди од небрежност и предизвикување пожар од небрежност.
МОЖЕБИ ЌЕ ВЕ ИНТЕРЕСИРА:
