Министерството за внатрешни работи соопшти дека камерите од системот „Безбеден град“ официјално почнаа со работа на дел од територијата на општина Дебрца, по успешно завршените технички тестирања.
Станува збор за камерите поставени на автопатската делница меѓу селата Горенци и Требеништа, кои ќе овозможат постојан надзор на сообраќајот и поефикасно евидентирање на сообраќајните прекршоци.
Од МВР најавуваат дека во наредниот период системот ќе биде пуштен во функција и во Охрид и поширокиот регион, каде што камерите се веќе поставени, а во тек е финалната техничка проверка.
Според Министерството, системот „Безбеден град“ ќе придонесе за поголема сообраќајна дисциплина, поефикасна контрола на прекршоците и зголемена безбедност на патиштата. Воедно, се очекува неговата примена да доведе и до намалување на бројот на сообраќајни незгоди.
Од МВР упатија апел до возачите доследно да ги почитуваат сообраќајните правила и прописи, со цел да се обезбеди побезбеден сообраќај за сите учесници.
МОЖЕБИ ЌЕ ВЕ ИНТЕРЕСИРА:
