Автомото сојузот на Македонија (АМСМ) информира дека од 11:00 часот е затворен за сообраќај граничниот премин Евзони, односно ГП „Богородица“.
Сообраќајот на државните патишта во земјава се одвива непречено, по претежно суви коловози. Фреквенцијата на возила надвор од градските средини е умерена.
На граничните премини од македонска страна, засега не се евидентирани подолги задржувања за влез и излез од државата.
Од АМСМ потсетуваат дека од 15 ноември 2025 година е на сила законската обврска за задолжително поседување зимска опрема во возилата, без разлика на моменталните временски услови. Оваа обврска важи до 15 март 2026 година.
МОЖЕБИ ЌЕ ВЕ ИНТЕРЕСИРА:
