Селекцијата на САД со убедлива победа од 4-1 над Парагвај го отвори Светското првенство пред својата публика.
Американците уште од самиот почеток ја презедоа контролата врз натпреварот и поведоа во седмата минута по автоголот на Бобадиља. До крајот на првото полувреме предноста дополнително ја зголеми Фоларин Балогун, кој двапати се запиша во листата на стрелците, во 31. и 45. минута, за високи 3-0 на паузата.
Парагвај успеа да намали преку Маурисио во 73. минута, но надежите за пресврт беа згаснати во судиското продолжение кога Рејна погоди за конечни 4-1.
Со овој триумф, САД ја забележаа четвртата најубедлива победа на еден домаќин на Светско првенство на својот прв натпревар. Поголеми победи на отворање претходно оствариле само Италија во 1934 година со 7-1 против САД, Русија во 2018 година со 5-0 против Саудиска Арабија и Бразил во 1950 година со 4-0 против Мексико.
МОЖЕБИ ЌЕ ВЕ ИНТЕРЕСИРА:
