Охрид е препознатлив по македонскиот бисер, но од почетокот на годината овој македонски град се најде на светската мапа на имплантологијата, најфасцинантната стоматолошка гранка за бисерни насмевки. Овој град ќе стане центар на современата стоматологија, бидејќи стоматолошкиот центар „Д-р Баткоски“ го лансира првиот имплант тренинг центар за „Ditron Dental“ во Европа.
По тој повод разговараме со специјалист д-р Небојша Баткоски, кој што е сопственик и управител на реномираниот стоматолошки центар „Д-р Баткоски“, кој го основа и првиот имплант тренинг центар во Европа лиценциран од израелската компанија „Ditron Dental“. Соработката со „Ditron Dental“ ja започнал како главен застапник на нивните производи односно импланти.
Како резултат на неговата напорна работа, овој февруари во Охрид се најавува петдневен, интензивен меѓународен едукативен настан (17–21 февруари), со програма поделена во четири модули и примери на зафати во живо со фокус на дигитални технологии и прецизни хируршки протоколи. Во обуката ќе учествува и стручниот тим на центарот.
Вие сте првиот имплант тренинг центар лиценциран од „Ditron Dental“ во Европа за доктори од Виетнам и Израел. Што практично значи тоа во пракса?
– Ова е потврда дека центарот добива меѓународна улога и дека обуките не се насочени само локално. Преку структуриран пристап докторите ќе дојдат до знаење што е усогласено со светски стандарди и со реална клиничка примена. Целта е стоматолозите да осознаат и научат методи што веднаш ќе ги користат во пракса, особено кај комплексни случаи. За нас, ова е одговорност да создадеме континуирана едукација на високо ниво, дома. И да покажеме дека врвната стоматологија може да се гради и надвор од големите центри.
Каков е концептот на планираната обука и кому е наменета таа?
– Циклусот е петдневен и интензивен, замислен како меѓународен едукативен настан.
Програмата е во четири модули: хируршки основи, хируршки процедури, протетски модул и „Live Surgery“. Има посебен фокус на дигитални технологии и прецизни хируршки протоколи. Наменета е за стоматолози кои сакаат да се усовршат во имплантологија и да добијат сигурност во процесите. По завршување, учесниците добиваат официјален сертификат за стекнатите знаења и вештини. Во оваа прва фаза која ќе се одржи од 17-21 февруари, присутни на обуките ќе бидат доктори од Виетнам и Израел, а во иднина очекуваме на стоматолози од целиот свет кои ќе сакаат да се усовршат во оваа стоматолошка гранка.
Центарот е прв во Европа и вие сте главен застапник на брендот. Како дојде до ова партнерство?
– Партнерството е резултат на долгорочна посветеност, на квалитет, протоколи и континуирано учење. „Ditron Dental“ бара стандарди и конзистентност, а тоа е насоката во која работиме со години. Со компанијата соработуваме веќе повеќе години, чекор по чекор преку користење на импланти при работа на случаи и останати оригинални компоненти. Фактот дека сме главен застапник и прв и единствен центар за обуки од „Ditron Dental“ носи дополнителна одговорност и доверба. Затоа и целта е иновациите да ги донесеме дома, Македонија да ја претставиме како одличен стоматолошки центар, но и да ги пренесеме вештините и знаењето правилно и професионално.
Кои се следните чекори, дали ова е почеток на поголема платформа за едукација во Охрид?
– Да, ова е старт на нешто поголемо. Во следните фази планираме да се вклучат доктори и од други земји, со проширена едукативна агенда. Дел од плановите е и отворање на нов центар, за да се поддржи развојот и капацитетот. Нашата визија е јасна: современи методи, практична применливост и долготрајни, здрави насмевки. Стоматолошкиот центар “Д-р Баткоски” секако веќе станува регионален и препознатлив бренд по своите услуги и квалитет.
МОЖЕБИ ЌЕ ВЕ ИНТЕРЕСИРА:
