Голем број корисници ширум светот вечерва пријавуваат проблеми со користењето на социјалната мрежа Фејсбук и апликацијата Месенџер.
Според реакциите на корисниците, дел од нив не можат да се најават на своите профили, да ги вчитаат објавите и содржините на платформата или да испраќаат и примаат пораки преку Месенџер.
Проблеми се забележани и кај дел од останатите сервиси на компанијата Meta. Иако Инстаграм во најголем дел функционира, некои корисници пријавуваат забавена работа и повремени прекини. Различни информации пристигнуваат и за Ватсап, каде што кај дел од корисниците има потешкотии при испраќањето пораки, додека кај други апликацијата работи нормално.
Засега нема официјално соопштение за причините за проблемот, ниту потврда дали станува збор за поширок глобален прекин на услугите.
Се очекуваат повеќе информации во текот на вечерта, додека корисниците продолжуваат да пријавуваат потешкотии во користењето на платформите на Meta.
МОЖЕБИ ЌЕ ВЕ ИНТЕРЕСИРА:
