Јапонскиот производител на автомобили „Хонда Моторс“ ја заврши изминатата фискална година со загуба, првпат по седум децении, откако компанијата се соочи со огромни трошоци поврзани со реструктуирање на бизнисот со електрични возила.
Компанијата соопшти дека финансискиот резултат бил оптоварен со околу девет милијарди долари трошоци, што довело до најлош извештај откако „Хонда“ стана јавна компанија во 1957 година.
Од раководството оценуваат дека побарувачката за електрични возила не ги достигнала очекувањата, што претставува сериозен удар за традиционалните автомобилски производители кои агресивно инвестираа во електрификација.
Извршниот директор Тошихиро Мибе соопшти дека компанијата се откажува од претходниот план според кој електричните возила требаше да сочинуваат една петтина од вкупната продажба до 2030 година.
Воедно, „Хонда“ се повлекува и од целта за целосен премин кон електрични возила и возила на горивни ќелии до 2040 година.
Компанијата најави и суспензија на проектот вреден 11 милијарди долари во Канада, кој опфаќа производство на електрични возила и батерии. Станува збор за најголемата инвестиција на „Хонда“ во Канада досега.
МОЖЕБИ ЌЕ ВЕ ИНТЕРЕСИРА:
