Ракометарите на македонскиот првак Еурофарм Пелистер со победа ја стартуваа новата сезона во Лигата на шампионите откако на домашен терен го совладаа Загреб со 25:23 (13:12).
Битолчани одиграа одлично прво полувреме со комплетна контрола над играта и резултатот, кој само еднаш беше нерешен 1:1. На почетокот на вториот дел гостите подобро го почнаа полувремето и направија серија од 4-0 за водство од 16:14. Сепак „пелистерци“ го вратија водството и во последните десет минути имаа предност и од три разлика.
На крајот на еден разлика 24:23 Еурофарм Пелистер не реализраше два „зицера“ преку Филип Кузмановски и Жарко Пешевски бидејќи Анте Грбавац имаше две одбрани. Сепак голманот на битолчани Хеидарирад го одбрани последниот удар на противникот Алекс Кавчиќ, а притоа ја погоди и празната мрежа на Загреб за конечни 25:23.
Дејан Манасков со 8 голови беше најефикасен, додека кај Загреб Филип Главаш постигна 7 голови.
Македонскиот шампион во следното коло гостува на ПСЖ, а дуелот се игра на 18.септември.
МОЖЕБИ ЌЕ ВЕ ИНТЕРЕСИРА:
