Австралискиот актер Хју Џекмен и неговата сопруга Дебора-Ли Фернес Џекмен во петокот објавија дека се разделуваат по 27 години брак.
„Одлучивме да се разделиме за да продолжиме да се развиваме како поединци“, објаснија тие во заедничката изјава за магазинот People.
Велат и дека „имале среќа што живееле заедно речиси триесет години, како маж и жена во прекрасен брак полн со љубов“ и дека „со благодарност и љубов“ влегуваат во „ова ново поглавје од животот“.
Двајцата актери се запознале во 1995 година на снимањето на серијата „Corelli“, а една година подоцна се венчале. Во тоа време, Дебора-Ли Фернес веќе се прослави како актерка, особено со улогата на одмаздољубива моторџика во филмот „Shame“, а Хју Џекмен тогаш штотуку ги завршува студиите по глума. Светски познат стана во 2000 година кога се прослави со улогата на мутантот Волверин во првиот дел од сагата „Икс-мен“.
Хју денес има 54, а Дебора-Ли Фернес 67 години. Двојката има две деца, 23-годишниот Оскар и 18-годишната Ава.
„Семејството отсекогаш било и ќе остане наш приоритет“, соопштија тие во соопштението до медиумите.
Тие станаа една од омилените холивудски двојки. На годишнината од нивната венчавка оваа година, познатиот актер ѝ рекол на својата сопруга: „Те сакам неизмерно. Создадовме прекрасно семејство и живот. Вашата смеа, дух, дарежливост, хумор, храброст и лојалност ми се неверојатен подарок”.
Последен пат на црвениот тепих се појавија на Мет Гала во мај годинава, а во јули заедно го следеа машкото финале во тенис на Вимблдон.
МОЖЕБИ ЌЕ ВЕ ИНТЕРЕСИРА:
