Дописникот на Би-Би-Си во Киев штотуку објави дека слушнал пет до шест „далечни експлозии“ во Киев, и вели дека има извештаи за експлозии на други места во земјата.
Експлозии и пукотници беа забележани во Киев и други украински градови, откако рускиот претседател Владимир Путин најави „специјална“ операција за „демилитаризација“ на земјата, потег што може да сигнализира почеток на тешки борби меѓу двете земји.
Во телевизиско обраќање, Путин рече дека акцијата доаѓа како одговор на заканите кои доаѓаат од Украина. Тој додаде дека Русија нема цел да ја окупира Украина. Путин тврди дека одговорноста за крвопролевањето е на украинскиот „режим“.
Локалните медиуми јавуваат дека пукотници се слушнале во близина на главниот аеродром Бориспил во Киев.
И украинското министерство за внатрешни работи соопшти дека нападот со вкрстени и балистички проектили е во тек. Медиумите и во Украина јавуваат дека експлозиите се слушаат во неколку градови, заедно со главниот град Киев.
