По двегодишната битка и голем број на заразени и починати лица, состојбите со корона вирусот во Македонија одат на подобро. Бројот на новозаразени е значително помал од порано, на починати исто така. Независните медицински експерти даваат и прогнози дека пандемијата е при крај и дека сега доминантната омикрон варијанта ќе стане ендемски вирус кој, сепак, ќе биде поопасен од грипот.
Сепак се укажува и на тоа дека во наредниве месеци треба да се биде претпазлив. Ќе бидеме ли?
Но, тука се наметнува друго многу поважно прашање: Дали здравствените власти во Македонија ќе ги искористат претстојните месеци за што подобро организирање и подготвување за евентуални нови предизвици? Дали нашите надлежни, Владата, Главен координативен штаб, Комисијата за заразни заболувања… веќе сега почнаа да работат на тоа како поподготвени да ја дочекаат можната есенска опасност?
Дали, конечно, ќе се дефинираат предвидените протоколи за лекување на новоинфицирани, дали ќе се подобри комуникацијата со матичните лекари и дали тие ќе бидат информирани околу тоа какви се лекови смета да им даваат на заболените по сите оние грешки коишто се појавиле со преекумерно препишуавње на антибиотиците? Дали конечно ќе се заврши анализата околу енормно голем број на починати од вирусот кој нашата земја ја стави меѓу петте водечки во светот? Што стана со опременоста на болниците, како со опремата, така и со медицинскиот кадар кој недостасува во ситуација кога соодветна нега во болниците често била клучна за нечиј спас? Се знае ли како во иднина ќе функционира Комисијата за заразни болести, како и досега или ќе се прифатат барањата таа да биде владино тело кое самостојно ќе носи одлуки, за да и натаму не се случува, предлозите на експеретите во неа да бидат менувани од политичарите…
Време е здравствените власти да си ги поправат грешките кои ги имаа за време на пандемијата. Не е многу умно за сите недоречености да се обвинат само пациентите, оние кои не се вакцинирале…
МОЖЕБИ ЌЕ ВЕ ИНТЕРЕСИРА:
