Физичка пресметка поради недоразбирање околу паркинг простор се случила во кругот на гробиштата во скопската општина Ѓорче Петров.
Како што информираат од СВР Скопје, на 24 јануари 2026 година околу 12:00 часот било пријавено нарушување на јавниот ред и мир, при што дошло до физичка пресметка меѓу Ј.Ф.С. (38) и Д.С. (33), двајцата од Скопје.
Во инцидентот, Ј.Ф.С. употребила дрвен предмет, додека Д.С. физички ја нападнал мајката на Ј.Ф.С., 60-годишната С.Ф.
Полицијата работи на целосно расчистување и документирање на случајот, по што ќе биде поднесена соодветна пријава.
