„Руските десантни трупи слетаа во Харков и нападнаа локална болница“, се вели во соопштението на украинската војска на „Телеграм“, потврдувајќи ги претходните информации дека руски падобранци слетале во градот. „Во тек е борба меѓу напаѓачите и Украинците“, се вели во соопштението околу 4. часот наутро по македонско време.
Харков, град со 1,4 милиони жители во близина на границата со Русија, вчера беше бомбардиран неколку пати, вклучително и ракетирање на главниот плоштад, при што загинале најмалку десет луѓе, а повеќе од 20. биле повредени.
Руската инвазија на Украина, да потсетиме, започна на 24. февруари, а во вторникот руските напади се интензивираа.
Началникот на полицијата во Харков, Володимир Тимошко, за новинарите изјавил дека ниту еден украински војник не загинал во престрелката, јавува Би-Би-Си.
„Во моментов ситуацијата во близина на болницата е под контрола, безбедноста е засилена“, рекол тој, пренесоа украинските медиуми.
Се појавија првите непотврдени снимки
Се појавуваат и првите непотврдени снимки од Харков, кој синоќа беше под силно гранатирање.
Фото: Принтскрин/Twitter
