СДСМ обвини дека лидерот на ВМРО-ДПМНЕ, Христијан Мицкоски, повторно говори за избори паралелно со настаните во Србија, каде претседателот Александар Вучиќ најави предвремени избори. Во партијата сметаат дека Мицкоски го следи „моделот“ на Вучиќ, во кој реконструкција на владата е вовед во изборен процес.
Од СДСМ посочуваат и на политичката поврзаност меѓу Вучиќ, унгарскиот премиер Виктор Орбан и поранешниот македонски премиер Никола Груевски, алудирајќи дека изборните циклуси во тие земји често се совпаѓаат. Како аргумент за оваа теза ја наведуваат и поддршката што Груевски ја добил во Унгарија.
Во својата реакција, СДСМ се осврнува и на актуелните протести во Србија, Унгарија и Словачка, кои, според нив, се поврзани со корупциски скандали. Како дел од тие афери ги споменуваат истрагите околу падот на настрешницата во Нови Сад, обвиненијата за наместени тендери, како и најавите во Србија за објавување на податоци од „СКАЈ“ комуникациите кои опфаќаат регионални криминални структури.
Во текстот се наведуваат и неодамнешните американски обвинувања за вмешаност на српска ИТ-компанија во изборите во САД во 2020 година, како и апсењето на поранешната шефица на европската дипломатија Федерика Могерини под сомнение за корупција.
СДСМ смета дека развојот на политичките случувања во Србија би можел да има влијание и врз Македонија, односно дека евентуални избори таму би отвориле процес и кај нас. Според нив, причината за тоа е „поврзаноста“ на ВМРО-ДПМНЕ со политичките кругови во Белград и Будимпешта.
Партијата порачува дека Македонија треба да се насочи кон „нов почеток“, европски курс и политичка стабилност.
МОЖЕБИ ЌЕ ВЕ ИНТЕРЕСИРА:
