Ќе има ли годинава предвремени парламентарни избори? СДСМ е убеден во тоа! Во нивното вчерашно соопштение тие објаснија зошто 2026 година ќе биде тешка.
„По изборите сè ќе излезе на виделина. Тогаш проблемите ќе се „решаваат“ со уште поголем проблем – мигранти. Веќе гледаме дека и со се уште мал број мигранти, власта на ВМРО-ЗНАМ не е способна да обезбеди соодветна безбедност за граѓаните. Да се потсетиме само на неодамнешното демолирање на кампот за мигранти во Табановце или тепачката за Нова година на плоштадот во Скопје. Тука сме каде што сме – изолирани, како црна дупка, вратите на Европа повеќе не се отвораат“, велат од СДСМ.
Од ВМРО-ДПМНЕ веднаш одговорија дека опозициската партија продолжува со старите приказни.
„Уште зборат за мигранти кои не постојат, за задолжувања кои не постојат, за дупки во Буџет кои не постојат. Но, знаеме дека на нив уште не им јасно дека ние државата не ја водиме како они што ја водеа. Ако тие сакаа да носат мигранти во 2018 година, ние нема да носиме. Ако тие го задолжуваа народот и нашите поколенија, ние нема да ги задолжуваме. Ако тие го оставија Буџетот со дупки и празен, ние тоа нема да го правиме,“ напишаа од владејачката партија.
За ВММРО-ДПМНЕ, 2026-та ќе биде година на враќање на долговите и заемите на СДСМ.
И премиерот Христијан Мицкоски на новинарско прашање, кратко одговори дека СДСМ треба да се внимава што се посакува, бидејќи честопати желбите можат и да се остварат.
МОЖЕБИ ЌЕ ВЕ ИНТЕРЕСИРА:
