Повеќе од 8.000 авионски летови се откажани низ Соединетите Американски Држави поради силната зимска бура што за време на викендот зафати голем дел од земјата, покажуваат податоците на платформата FlightAware.
Само денеска се регистрирани над 3.400 одложени или откажани летови, додека за утрешниот ден веќе се откажани повеќе од 5.000 летови на аеродромите ширум САД. Најпогодени се регионите со обилни снежни врнежи, замрзнат дожд и силни ветрови, кои значително го отежнуваат воздушниот сообраќај.
Надлежните служби предупредуваат и на можни прекини во снабдувањето со електрична енергија, поради мразот што ги оптоварува дрвјата и далекуводите. Опасноста од паѓање на оштетени гранки и електрични инсталации останува и по поминувањето на најсилниот бран на невремето.
Метеоролозите најавуваат дека бурата ќе го достигне својот максимум токму за време на викендот, со екстремни временски услови кои ќе влијаат врз сообраќајот, инфраструктурата и секојдневното функционирање во погодените подрачја.
МОЖЕБИ ЌЕ ВЕ ИНТЕРЕСИРА:
