Малолетник од Битола е лишен од слобода по сообраќајна несреќа во која тешко е повреден пешак, информира Министерството за внатрешни работи.
Несреќата се случила на 13 февруари околу 18:35 часот на улицата „Козјак“, кога 17-годишник управувал патничко возило „даеву тико“ со битолски регистарски ознаки без да поседува возачка дозвола. Притоа удрил во 42-годишен пешак од Битола.
Повредениот веднаш бил пренесен во Клиничка болница Битола, каде што му биле констатирани тешки телесни повреди.
Увид на местото на несреќата извршила екипа од СВР Битола, а по преземените мерки било потврдено дека малолетникот управувал со возилото без стекнато право за управување со моторно возило. По целосно документирање на случајот ќе следуваат соодветни законски мерки.
МОЖЕБИ ЌЕ ВЕ ИНТЕРЕСИРА:
