Светската здравствена организација препорача укинување на мерките кои вклучуваат ограничувања за патувањеата бидејќи нема докази дека тие се ефикасни во спречувањето на ширењето на варијантата омикрон.
СЗО наведува и дека ваквите ограничувања го попречуваат економското закрепнување на многу земји, а за некои земји треба да се размислува за укинување на сертификатите за вакцинација како услов за патување, поради нееднаквоста во дистрибуцијата на вакцините.
СЗО реагираше на одлуката на неколку земји да ги ограничат или забранат летовите од земјите каде што омикрон забрзано се шири и наведе дека некои од нив треба да го преиспитаат прилагодувањето на мерките како тестирање и карантин, кои претставуваат финансиски товар за патниците. Овие мерки треба да се прилагодат „кога е соодветно“, додава СЗО.
Покрај тоа, СЗО соопшти дека бројот на случаи на корон авирусот ширум светот се зголемил за 20 отсто минатата недела на повеќе од 18 милиони. Бројот се зголеми во сите региони во светот, освен Африка, каде што бројот на заразени падна за речиси една третина, според СЗО. Бројот на смртни случаи на глобално ниво остана ист минатата недела.
Извор: faktor.mk