Времето денеска ќе биде променливо облачно и релативно топло. Претпладне ќе има слаб локален дожд, а по одделни котлини можна е појава на магла. Кон крајот на денот и во текот на ноќта во западните делови се очекуваат врнежи од дожд.
На повисоките планини во северозападните делови врнежите ќе бидат од снег. Ќе дува слаб до умерен ветер од западен правец, кој на места во западните делови повремено ќе се засилува. Минималната температура ќе се движи од 2 до 5 степени, а максималната од 11 до 18 степени.
Во Скопје ќе биде променливо облачно со сончеви периоди. Претпладне во делови од котлината ќе има магла. Ќе дува слаб променлив ветер. Минималната температура ќе изнесува околу 3, а максималната до 15 степени.
Во наредните денови ќе преовладува променливо време. Во недела претпладне се очекуваат локални врнежи од дожд, а на планините во северозападните делови снег. Врнежи од дожд ќе има и во понеделник, поизразени во југоисточните делови, додека на планините ќе врне снег.
Со продор на постуден воздух, врнежите од дожд на некои повисоки места ќе преминуваат во снег. Потоа следуваат два дена со претежно стабилно време, а нови врнежи се очекуваат од четврток.
МОЖЕБИ ЌЕ ВЕ ИНТЕРЕСИРА:
