ЕКОНОМИЈА„Тесла“ инвестира речиси шест милијарди евра во фабрика во близина на БерлинОбјавено пред 11 час – 17 март, 2021Од Макфакс
Американскиот производител на електрични автомобили „Тесла“ инвестира речиси 5,8 милијарди евра во првата фабрика во Европа, недалеку од Берлин, објави германската телевизија „ЗДФ“.
Американскиот производител не ја соопшти висината на инвестицијата, но портпаролката на Министерството за економија на германската сојузна држава Бранденбург, каде што се гради фабриката, потврди дека вредноста на инвестицијата што ја објави „ЗДФ“ во вторникот е точна.
Производството се очекува да почне во фабрика во близина на Берлин во јуни и треба да произведува до 500.000 возила годишно.
Извршниот директор на „Тесла“, Илон Маск, исто така планира да почне масовно производство на батериски ќелии во околината на германскиот главен град.
Фабриката треба да произведе нов вид батерии, кои ќе имаат шестпати повеќе енергија, ќе зафаќаат помалку простор и ќе трошат помалку енергија, велат извори од индустријата.
МОЖЕБИ ЌЕ ВЕ ИНТЕРЕСИРА:
