Петнаесетгодишен ученик е тешко повреден по напад со остар предмет во основно училиште во скопската општина Гази Баба, а полицијата приведе малолетник осомничен за нападот.
Според информациите од Министерството за внатрешни работи, инцидентот се случил на 11 мај околу 14:50 часот, кога 15-годишник влегол во училиштето и со остар предмет нападнал свој врсник во училишната зграда.
Повредениот ученик бил итно пренесен во Комплексот клиники „Мајка Тереза“, каде лекарите констатирале сериозни повреди и веднаш била извршена операција.
Директорот на Ургентниот центар, Игор Мерџаноски, изјави дека момчето било примено со убодна рана во пределот на стомакот и посекотина на главата.
МОЖЕБИ ЌЕ ВЕ ИНТЕРЕСИРА:
