Навивач е убиен за време на нередите во Сао Паоло меѓу навивачите на Палмеирас кои гледале како нивниот тим губи од англискиот Челзи во финалето на Светското клупско првенство на ФИФА, соопшти бразилската полиција.
Починатиот, за кого полицијата рече дека бил затворски чувар кој не бил на должност, бил застрелан пред стадионот Палмеирас во Сао Паоло, каде што илјадници навивачи се собрале да го гледаат натпреварот на големите екрани.
„Дошло до тепачка меѓу навивачите, која предизвикала нереди, а еден маж бил застрелан“, се вели во соопштението на полицијата.
Интервентната полиција употребила солзавец и гумени куршуми за да ја растера толпата, а едно лице е уапсено, се вели во соопштението, додека полицијата продолжила да патролира во областа за да спречи понатамошни немири.
Европскиот шампион Челзи го победи Палмеирас, шампион на Копа Либертадорес, со 2-1 по продолженијата во Абу Даби. Палмеирас не успеа да стане клупски светски шампион и со тоа да им се приклучи на бразилските клубови Коринтијанс, Сантос и Сао Паоло кои го освоија трофејот.
МОЖЕБИ ЌЕ ВЕ ИНТЕРЕСИРА:
