Во Австралија знамињата ќе бидат спуштени на половина копје во знак на жалост за жртвите од масовното пукање на плажата Бондаи во Сиднеј, соопшти австралискиот премиер Ентони Албанезе.
На прес-конференција, Албанезе истакна дека Австралија нема да дозволи поделби, насилство и омраза да ја разнишаат државата и порача дека нацијата ќе помине обединета низ овој тежок период.
Во меѓувреме, министерот за здравство на сојузната држава Нов Јужен Велс, Рајан Парк, соопшти дека бројот на загинати во нападот за време на прославата на еврејскиот празник Ханука се искачил на 16 лица, меѓу кои и едно дете.
Според неговите информации, меѓу жртвите е и еден од двајцата напаѓачи. Вкупно 38 лица сè уште се хоспитализирани поради повредите здобиени во нападот.
Полицијата претходно информираше дека едниот осомничен напаѓач е убиен на самото место, додека другиот се наоѓа во критична состојба.
Првичните извештаи говореа за најмалку 12 загинати и 29 ранети, но бројките беа ревидирани по дополнителните лекарски и полициски информации.
МОЖЕБИ ЌЕ ВЕ ИНТЕРЕСИРА:
