Дипломатката од Министерството за надворешни работи Викторија Трајков упатува порака до министерот Бујар Османи во која го обвинува дека тој незаконски ја прогонува како жена и мајка на две деца затоа што таа ја кажува вистината за него.
Трајков која досега откри неколку скандалозни ситуации во МНР е прогонувана од соработници на Османи по него налог со цел политички реваншизам вели дипломатката.
,,
Министре Бујар Османи, со оглед на тоа што ова е единствениот начин да ви се обратам за злоупотребата на службената положба и политички притисоци кои ги правите, иако сигурна сум знаете за тоа, да ве потсетам!
Во обид да ме замолчите да ги изнесувам вашите кадровски злоупотреби во МНР, преку вашите инсталации во оваа корумпирана власт, противзаконски и без никаков основ ми го одзедовте безбедносниот сертификат. За ваква злоупотреба на безбедносните служби, бидете сигурни дека за многу брзо ќе има одговорност”, пишува Трајков која открива дека откако Османи видел дека со вакви методи НЕМА ДА МЕ ЗАМОЛЧИ, отишол уште еден чекор понатаму, одземајќи и го дипломатскиот пасош кој што по закон и следува.
,,Ова го правите додека сум на боледување со сериозни здравствени проблеми, што исто така само по себе претставува сериозна злоупотреба на службената положба и овластувања. За вакво скандалозно и противзаконско однесување ги користите “услугите” на ваши послушници кои ги наградувате со разни високи позиции за кои немаат никакви квалификации, како што е Мемет Жаку, кој го назначивте за специјален претставник на претседавачот со ОБСЕ за млади а мојот предмет исто така ПРОТИВЗАКОНСКИ и без никакви ингеренции го држи во фиока!
Не знам дали сте свесни дека покрај вас и овие луѓе ги терате да работат противзаконски, за што исто така ќе мора да сносат одговорност.
Министре, престанете со вакви и слични притисоци!
Иако СУМ ЖЕНА, мајка на две деца, треба да ви е јасно дека нема ниту да ме уплашите ниту да ме замолчите”, пишува Трајков.
МОЖЕБИ ЌЕ ВЕ ИНТЕРЕСИРА:
