На социјалните мрежи е објавено видео во кое се тврди дека на него се гледа дедо додека вербално се соочува со руски војници во Мелитопол, Украина.
Ова е регионот Запорожје во северна Украина. Видеото го објавил турскиот репортер Рагип Сојлу, а репортерите на британскиот весник Guardian оцениле дека станува збор за автентична снимка.
Меѓу другото, дедото им рекол дека и тој е Русин и ги прашал зошто воопшто дошле во Украина.
„Русите кои ја напаѓаат Украина се толку големи се***вци. Што правите вие овде? Ние имаме наш живот, вие имате свој. Јас сум Русин и живеам во оваа земја. Вие имате своја држава, а ние наша. Немате ли проблеми во вашата земја? Дали сте сите богати таму? Срамете се“, им порачал дедото.
Во тек е третиот ден од рускиот напад на Украина, а борбите се водат и во Киев. Западот им помага на Украинците финансиски и воено, но нема намера да ангажира свои војници во оваа земја. Има и остри санкции против Русија.
Претседателот на Украина, Володимир Зеленски, ја отфрли понудата на Соединетите Американски Држави да му помогнат во евакуацијата од Украина и рекол дека не му треба транспорт, туку оружје. Тој уверува дека ќе остане во земјата. Според него, тој бил означен како непријател број еден, а неговото семејство било означено како непријател број два.
Фото: Принтскрин/Twitter
МОЖЕБИ ЌЕ ВЕ ИНТЕРЕСИРА:
