Швајцарија се пласираше во четвртфиналето на Светското првенство, откако по вистинска фудбалска драма ја совлада Колумбија со 4:3 на пенали, по 120 минути игра без голови.
Очекувано, натпреварот донесе голема борба и тактичко надмудрување. На првата вистинска шанса се чекаше повеќе од 20 минути, кога Густаво Пуерта се закани по голот на Швајцарија, но неговиот удар одлично го одбрани Грегор Кобел.
Швајцарците возвратија преку Фабиан Ридер, но сигурен беше и колумбискиот голман Камило Варгас, па мрежите мируваа до полувремето.
Во вториот дел Швајцарија заигра поофанзивно. Џибрил Соу прв се закани по паузата, а Ридер беше блиску до погодок од слободен удар во 53. минута. Колумбија најдобрата можност ја имаше десетина минути подоцна, кога Луис Суарес шутираше покрај голот од работ на шеснаесетникот.
Како што се ближеше крајот на регуларниот дел, темпото опадна, а двата тима играа претпазливо, па победникот мораше да се бара во продолженијата.
Дополнителните 30 минути донесоа многу повеќе возбудувања. Колумбија беше поконкретна, ја погоди пречката и создаде уште неколку одлични шанси, но Кобел повторно беше на висина на задачата.
Најголемата можност за победа Колумбија ја пропушти во 115. минута. Хаминтон Кампас излезе сам пред Кобел по грешка на швајцарската одбрана, но шутираше високо над голот.
Бидејќи немаше голови ниту по продолженијата, победникот беше решен со пенали. Швајцарија беше посмирена и посигурна, славеше со 4:3 и обезбеди место во четвртфиналето.
Кај Колумбија непрецизни беа Давинсон Санчес, кој ја погоди пречката, и Кучо Ернандес, чиј удар го одбрани Кобел. Единственото промашување за Швајцарија го имаше Мануел Аканџи, но тоа не ги спречи Швајцарците да закажат четвртфинален дуел со Аргентина.
МОЖЕБИ ЌЕ ВЕ ИНТЕРЕСИРА:
