По кратка расправија руските војници го напуштиле дворот…
Додека војната на истокот се уште трае, американската амбасада од Киев на социјалната мрежа Твитер објави видео од необичната ситуација, кое го снимила надзорната камера на една куќа.
Имено, на видеото се гледа постар брачен пар од Украина кој истерува руски војници од својот двор. Така барем тврди американската амбасада од Киев која го објави ова видео.
– Денеска ја поздравуваме оваа постара брачна двојка која се спротивстави на тројца руски војници – наведуваат во објавувањето на видеото со ознака #украински херои.
На видеото се гледа како тројца војници доаѓаат до оградата, ја отвораат вратата и влегуваат во дворот од куќата.
Набргу потоа се случил пресврт кој ги шокирал сите. Имено, две лица излегуваат од куќата и им викаат и гестикулираат.
По кратка расправија, руските војници го напуштаат дворот. Медиумите пишуваат дека куќата се наоѓа во населбата Николаев.
Фото: Принтскрин/Twitter
