На социјалната мрежа Твитер од вчера се споделува шокантна снимка од Украина, чиј автор не е познат, но лицето наводно присуствувало во моментот кога мажите се простиле од своите семејства кои заминале во безбедната зона, додека тие останале да ја бранат државата.
Емотивниот момент кога неименуван Украинец треба да се раздели од својата ќерка, која со својата мајка оди на безбедно со автобус, никого не го оставил рамнодушен.
Човекот кој останал да ја брани државата не можел да ги запре солзите додека ја гушкал ќерка си и и’ ја местел капата, а девојчето кое се разделува од татко и не престанува да плаче.
Видеото постојано се споделува на Твитер, а го објави и „Independent“. Според корисниците на мрежата, сцената на разделбата на семејството од Украина е најтешката работа што може да му се случи на човек, па затоа коментарите повикуваат на прекин на воените дејствија.
Исто така, се споделува уште едно видео, наводно направено во истата прилика, на кое таткото се збогува со ќерката која седи во автобус, а се поздравуваат цртајќи си, еден на друг, срца на прозорецот.
Фото: Принтскрин/Twitter
